झापा, साउन २१ । मोरङ रतुवामाई नगरपालिका ८ का एक वृद्ध आफ्नै गोठमा मृत फेला परेका छन् ।
हिजो साँझ ६;३० बजे ७२ वर्षीय टेकबहादुर खत्री आफ्नै गोठमा मृत अवस्थामा फेला परेका हुन् । उनका छोरा प्रेम खत्रीले इलाका प्रहरी कार्यालय सिजुवामा जानकारी गराउनसाथ प्रहरी टोली खटिएर घटनास्थल सुरक्षित राखेको थियो ।
शवको सम्पूर्ण कानुनी प्रकृया पुरा गरी राति ९ बजे पोस्टमार्टमको लागि कोशी अस्पताल बिराटनगर पठाइएको प्रहरीले जनाएको छ ।
