झापा, साउन २१ । झापा बिर्तामोड ५ का २४ वर्षीय अबिनाश चौधरी लागूऔषधसहित पक्राउ परेका छन् ।
गएराति ९ बजे मेचीनगर –६ स्थित काँकरभिट्टा बसपार्कमा शंकास्पद अवस्थामा हिडिरहेका चौधरीलाई शंका लागेर चेकजाँच गर्दा उनले बोकेको कालो रंगको पोकाभित्र लुकाएर ल्याएको ६१० मिलिग्राम ब्राउनसुगर फेला परेको थियो । सो लागूऔषधसहित उनलाई नियन्त्रणमा लिई इलाका प्रहरी कार्यालय काँकरभिट्टामा राखिएको छ ।
