झापा, साउन २१ । बीएण्डसी अस्पतालका संचालक दुर्गा प्रसाई चार महिनापछि कारागार मुक्त भएकोमा उनका समर्थकहरुले दमकमा दीप प्रज्वलन गरेका छन् ।
हिजो साँझ दमक –६ स्थित गणतन्त्र चोकमा राष्ट्र, राष्ट्रियता, धर्म, संस्कृति र नागरिक बचाउ महाअभियान दमक नगर समितिले खुशीयाली मनाउँदै दीप प्रज्वलन गरेको हो ।
राष्ट्र, राष्ट्रियता, धर्म संस्कृति नागरिक बचाउ महाअभियानका केन्द्रीय सदस्य एवं ऋणी एशोसिएसनका झापा जिल्ला अध्यक्ष बिक्रम ताजपुरियाको नेतृत्वमा अभियानका कार्यकर्ताहरुलगायत करिव २० जनाको उपस्थिति रहेको थियो । उच्च अदालत पाटनको आदेशमा केन्द्रीय संयोजक दुर्गा प्रसाईं आइतवार राति धरौटीमा रिहा भएका हुन् ।
