झापा, साउन ३० । फलफुल बेचेर घर फिर्दै गर्दा लडेर भद्रपुरका एक बृद्धको मृत्यु भएको छ ।
गएराति ८;३० बजे भद्रपुर नगरपालिका वडा न.३ पुरानो ढाँट बस्ने ७० वर्षीय श्यामलाल मण्डल फलफुल बेचेर फलफुल ठेला लिई घर जाँदै गर्दा अचानक चक्कर लागेर बेहोस भई लडेका थिए ।
प्रहरी चौकी महेशपुरमा जानकारी गराउनसाथ प्रहरी टोली खटिएर उनलाई उपचारको लागि ओमसाई पाथिभारा अस्पताल भद्रपुर पठाइएकोमा राति ९ बजे अस्पताल ल्याउनसाथ चिकित्सकले मृत घोषणा गरेका थिए । मृतकको शव सोही अस्पतालमा रहेको र घटनाबारे अनुसन्धान भइरहेको प्रहरीले जनाएको छ ।
