झापा, साउन ३० । पाँचथरको फिदिममा रक्सीको भाँडोमा डुबेर एक बालक सिकिस्त भएका छन् ।
हिजो बिहान अन्दाजी १०ः३० बजे पाँचथर फिदिम –३ सीमा चोक बस्ने सन्तोष गुरुङका अन्दाजी १३ महिनाका छोरा खेल्ने क्रममा अचानक घरमा पारिराखेको चिसो रक्सीको भाँडोमा डुबेका थिए ।
सिकिस्त बालकलाई गणेशमान सिंह सामुदायिक अस्पताल पाँचथरमा ल्याई उपचार भइरहेकोमा थप उपचारको लागि बिर्तामोड चिल्ड्रेन अस्पताल बिर्तामोड रेफर गरिएको छ । बालकको अवस्था मध्यम रहेको प्रहरीले जनाएको छ ।
