झापा, साउन ३० । जंगली हात्तीको आक्रमणबाट घाइते दमककी ४७ वर्षीया सुनिता राईको उपचारका क्रममा मृत्यु भएको छ ।
दमक–१ बरगाछीनजिक गत साउन ११ गते बिहान मर्निङ वाकमा जाँदै गर्दा जंगली हात्तीको आक्रमणमा परी घाइते भएकी राईको उपचारका क्रममा आज बिहान २;१३ बजे विराटनगरको न्युरो अस्पतालमा मृत्यु भएको हो । उनको टाउको, दाहिने आँखी भौ, दुबै खुट्टा, बाँया हात र शरीरको बिभिन्नमा भागमा चोट लागेको थियो ।
साउन ११ गते बिहान करिब सवा ४ बजे सुनिता र उनकी बहिनी ४२ वर्षीया कविता राईलाई हात्तीले आक्रमण गरेको थियो। दमक अस्पतालमा सामान्य उपचारपश्चात् दुवैलाई थप उपचारका लागि विराटनगर लगिएको थियो।
कविता राई साउन २५ गते डिस्चार्ज भएकी थिइन् ।मृतक सुनिता पाँचथर मिक्लाजुङ गाउँपालिका १ घर भई हाल दमक १ मा होटल व्यवसाय सञ्चालन गर्दै आएकी थिइन् ।
