झापा, साउन ३१ । झापामा ठूलो परिमाणको लागूऔषधसहित दुईजना पक्राउ परेका छन् ।
पक्राउ पर्नेहरुमा सिन्धुपाल्चोक जुगल गाउँपालिका . २ बस्ने २४ वर्षीय रामहरि सिलवाल र सोही ठाउँ बस्ने २३ वर्षीय सुरेन्द्र सिलवाल रहेका छन् । आज दिउँसो ४ बजे मेचीनगर ६ पुरानो मेचीपुल अगाडीको सडकखण्डमा पानीटंकीबाट काँकरभिट्टातर्फ सिटी सफारीमा आइरहेका उनीहरुलाई शंका लागेर शरीर तलासी लिँदा रामहरि सिलवालले लगाएको ज्याकेटको टोपीभित्र प्लाष्टिकको पोका पारेको वस्तु खोली हेर्दा प्लाष्टिकसहित ३४ ग्राम ५७० मिलिग्राम र प्लाष्टिकबाहेक २८ ग्राम ६९० मिलिग्राम ब्राउनसुगर फेला परेको थियो ।
उनीहरुलाई सोधपुछ गर्दा भारतको पानीटंकीबाट दुबै जनाले खरिद गरी ल्याएको बताएका थिए । लागूऔषधसहित उनीहरुलाई पक्राउ गरी इलाका प्रहरी कार्यालय काँकरभिट्टामा राखिएको छ ।
