झापा , भदौ ५ । सारीको पिङ बनाएर खेल्दै गर्दा अल्झिएर अर्जुनधारामा एक बालकको मृत्यु भएको छ ।
आज साँझ ४.४५ बजे अर्जुनधारा ११ पुष्पलाल चौक बस्ने नेत्रप्रसाद सिवाका छोरा १० वर्षीय प्रदीप सिवा आफ्नै घरमा सारीको पिङ बनाएर खेल्दै गर्दा अचानक झुन्डिएका थिए । सिकिस्त अवस्थामा फेला परेका उनलाई उपचारका लागि बीएण्डसी अस्पताल बिर्तामोड ल्याउँदै गर्दा बाटैमा मृत्यु भएको हो । घटनाबारे अनुसन्धान भइरहेको प्रहरीले जनाएको छ ।
उता ओखलढुङ्गामा पनि त्यस्तै घटना भएको छ । मंगलवार बिहान ११ः३० बजे ओखलढुङ्गा चिशंखुगढी गाउँपालिका .–८ पँधेरे बस्ने मेखबहादुर राईकी छोरी ३ वर्षीया मेरिका राई छिमेकीको घरमा झुन्डिएकी छन् ।
छिमेकी अर्जुन राईको घरमा कोही नभएको अवस्थामा घरको दलानको थाममा काँटी ठोकी झुण्ड्याई राखेको प्लाष्टिकको नाम्लोको डोरीमा मेरिका झुन्डिएकी हुन् । झुन्डेको अबस्थामा उनको आमाले फेला पारी डोरीबाट निकाली हेर्दा मृत्यु भइसकेको प्रहरीले जनाएको छ ।
