झापा, भदौ ५ । सहारा नेपाल बचत तथा ऋण सहकारी संस्था लि.का कर्मचारीलाई जुत्ताको माला लगाई अभद्र व्यवहार गरि फरार भएका दुई महिलालाई प्रहरीले पक्राउ गरेको छ ।
एक महिनाभन्दा बढी समयदेखि बेपत्ता भएका उनीहरु गएराति पक्राउ परेका हुन् । मोरङ मिक्लाजुङ–२ बस्ने दुर्गामाया लिम्बू र माया मगरलाई प्रहरीले पक्राउ गरेको हो । अभद्र व्यवहारको कसुरमा आज अदालतबाट म्याद थप गरी अनुसन्धान अघि बढाएको प्रहरीले जनाएको छ ।
घटना भएको भोलिपल्ट इलाका प्रहरी कार्यालय उर्लाबारीमा उजुरी पर्नासाथ पक्राउ गर्न प्रहरी टोली खटाइएपनि उनीहरु फेला परेका थिएनन् । गत असार २९ गते दिउँसो करिव १ बजे सहारा नेपाल साकोसको मधुमल्ला सेवाकेन्द्र प्रमुख रमेश राई र कर्मचारी सुशिला लामिछानेलाई दुर्गामाया र मायाले दुव्र्यवहार गरेका थिए । कागजपत्र तयार गरी घरमै कर्जा नवीकरण गर्न बोलाएका ती महिलाहरुले सहारा नेपालका कर्मचारीलाई जुत्ताको माला लगाइदिएका थिए ।
साथै सेवाकेन्द्र प्रमुखलाई हातपात गरी भिडियो बनाई सामाजिक संजालमार्फत कर्मचारीको चरित्र हत्या गरेका थिए ।
