कुमरखोद , भदौं ७ । व्रह्माकुमारी राजयोग उपसेवा केन्द्रको आयोजनामा झापा गाउँपालिकामा रक्तदान कार्यक्रम सम्पन्न भएको छ ।
कार्यक्रममा ४६ जनाले रगत दान गरेका थिए । विश्व वन्धुत्व दिवस तथा राजयोगिनी दादी प्रकाशमणीको १८ औं स्मृति दिवसको अवसरमा विश्वव्यापी रुपमा १४० भन्दा बढी देशमा रक्तदान कार्यक्रम गरिएको ब्रह्माकुमारी सुमित्रा दिदीले बताइन्् । उनले धुलावारीमा ११८ र दमक सेवाकेन्द्रमा १४१ जनाले रक्तदान गरेको जानकारी दिएकी छन् ।
कुमरखोद रेडक्रसको सामुदायिक भवनमा व्रह्माकुमारी सुमित्रा दिदीको अध्यक्षता तथा झापा गाउँपालिकाका कार्यवाहक अध्यक्ष अन्जुदेवी थपलियाको प्रमुख आतिथ्यतामा भएको कार्यक्रममा नेपाल रेडक्रस सोसाईटी झापा शाखाका कोषाध्यक्ष ओमप्रकाश गौतम , कुमरखोद रेडक्रस उपशाखाका संस्थापक अध्यक्ष जयनारायण शाह , कुमरखोद रेडक्रसका अध्यक्ष पशुपतिलाल गणेश , इलाका प्रहरी कार्यालय कुमरखोदका प्रहरी सहायक निरीक्षक ध्रुवकुमार राजवंशीलगायतको उपस्थिति रहेको थियो ।
कार्यक्रममा स्वागत मन्तव्य कुमरखोद रेडक्रसका पूर्व अध्यक्ष सुन्दरलाल गणेशले गरेका थिए भने कार्यक्रमको संचालन गोपालप्रसाद गणेशले गरेका थिए । रक्तदान कार्यक्रममा रेडक्रस झापा शाखाले प्राविधिक सहयोग गरेको थियो ।
