झापा, भदौ ८ । इन्ट्रा फाउन्डेसनले आयोजना गरेको मेरो भ्वाइस युनिभर्सको उपाधि जापानका प्रथम गुरुङले जितेका छन् ।
गएराति ललितपुरको सनराइज सम्मेलन केन्द्र, गोदावरीमा सम्पन्न फिनालेमा प्रथम मेरो भ्वाइस युनिभर्सका विजेता बनेका हुन् । त्यस्तै फस्ट रनरअप हङकङबाट टपराज तामाङ, सेकेन्ड रनरअप कतारबाट प्रतिनिधित्व गरेकी झापाकी जुनु प्रसाई , थर्ड रनरअप दार्जिलिङबाट वाङेगे गुरुङ, फोर्थ रनरअप झापाका प्रशान्त पोखरेल र फिफ्थ रनरअप सिक्कमबाट दीपराज राई भएका छन्।
त्यस्तै मेरो डान्स युनिभर्समा रिस्ता गुरुङ विजेता बनेकी छन् । मेरो डान्स युनिभर्समा फस्ट रनरअप अमृता राई, सेकेन्ड रनरअप सीतु महर्जन, थर्ड रनरअप सुरज सिंजाली मगर, फोर्थ रनरअप सुशना कोइराला र फिफ्थ रनरअप साजन पाख्रिन तामाङ भएका छन्। दुवैतर्फका विजेताहरुले जनही नगद रु १ करोड, रु २५ लाख बराबरको जीवन बिमा, हवाई टिकट र अन्य पुरस्कार प्राप्त गरेका छन्।
त्यस्तै कल्चरल ग्रुप डान्समा भुटनिज रेफुजी डान्स ग्रुप विजेता बनेको छ। फस्ट रनरअप मनास्लु वर्ड कलेज, सेकेन्ड रनरअप युमा महारानी नृत्य समूह, थर्ड रनरअप नेपाल प्रहरी र फोर्थ रनरअप तरेली सांस्कृतिक ग्रुप रहेका छन्।
विजेतालाई सभामुख देवराज घिमिरे, गृहमन्त्री रमेश लेखक, सञ्चार मन्त्री पृथ्वी सुब्बा गुरुङ, संस्कृति मन्त्री बद्रीप्रसाद पाण्डे र ललितपुर महानगरपालिकाका प्रमुख चिरीबाबु महर्जन लगायतले पुरस्कार तथा ट्रफी प्रदान गरेका छन्।
अन्य विजेताहरूले पाएको पुरस्कार
मेरो डान्स युनिभर्स
फस्ट रनरअपः अमृता राई (२५ लाख नगद)
सेकेन्ड रनरअपः सीतु महर्जन (१० लाख नगद)
थर्ड रनरअपः सुरज सिंजाली मगर (६ लाख नगद)
फोर्थ रनरअपः सुशना कोइराला (५ लाख नगद)
फिफ्थ रनरअपः साजन पाख्रिन तामाङ (४ लाख नगद)
मेरो भ्वाइस युनिभर्स
फस्ट रनरअपः टोपराज तामाङ (२५ लाख नगद)
सेकेन्ड रनरअपः जुनु प्रसाईँ (१० लाख नगद)
थर्ड रनरअपः वाङ्गे गुरुङ (६ लाख नगद)
फोर्थ रनरअपः प्रशान्त पोखरेल (५ लाख नगद)
फिफ्थ रनरअपः दीपराज राई (४ लाख नगद
कल्चरल ग्रुप डान्स
विजेताः भुटनिज रेफुजी डान्स ग्रुप (२५ लाख नगद)
फस्ट रनरअपः मनास्लु वर्ल्ड कलेज (१५ लाख नगद)
सेकेन्ड रनरअपः युमा महारानी नृत्य समूह (१० लाख नगद)
थर्ड रनरअपः नेपाल प्रहरी (५ लाख नगद)
फोर्थ रनरअपः तरेली सांस्कृतिक ग्रुप (३ लाख नगद)
