झापा, भदौ ८ । प्रधानमन्त्री तथा नेकपा एमालेका अध्यक्ष केपी शर्मा ओली यही भदौ १२ गते झापा नआउने भएका छन् ।
बिर्तामोडमा हुने पार्टीको जिल्ला प्रतिनिधि परिषदको बैठक लगायतका कार्यक्रमका लागि ओली आउने बताइएपनि ती कार्यक्रमका लागि समय दिन नसक्ने भएका हुन् । भदौ १२ गतेको कार्यक्रमको लागि प्रधानमन्त्री ओली नआउने नेकपा एमाले जिल्ला पार्टी कार्यालयका सचिव छविलाल विश्वकर्माले बताए । बिर्तामोडमा भएको पार्टीको जिल्ला कमिटीको छैठौं पूर्ण बैठकले जिल्ला प्रतिनिधि परिषदको बैठकको तयारी र कार्ययोजना सम्बन्धी छलफल गरेको थियो । जिल्ला अध्यक्ष प्रेमबहादुर गिरीका अनुसार भदौ १२ गते प्रधानमन्त्री तथा पार्टी अध्यक्ष ओली आउने र सोही दिन जिल्ला प्रतिनिधि परिषद बैठक समापन गर्ने कार्यक्रम तय गरिएको थियो ।
