झापा, भदौ १० । दमक नगर प्रहरीको भ्यानले गएराति तीनवटा सवारी साधनलाई ठक्कर दिएको छ ।
राति ९ः२० बजे दमक नगरपालिका ६ सन्तविर चोकमा प्र १–०१–००१ झ २३० न. को दमक नगर प्रहरीको भ्यानले सोही स्थानमा रोकिराखेको प्र१–०१–०१७ प ५१६२ नम्बरको स्कुटी, प्र१–०१–०१६ प ७०७३ न.को मोटरसाइकल र सि.न.पा.ई ०१९ न.को सिटी सफारीलाई ठक्कर दिएको हो । ठक्करबाट तीनवटै सवारी साधनमा क्षति पुगेको छ ।
नगर प्रहरीको सो भ्यान दमक २ बस्ने दावा दोर्जे तामाङले चलाएका थिए । स्कुटी दमक ६ बस्ने पुजाकुमारी साह, मोटरसाइकल दमक ६ बस्ने विष्णुकुमार नेम्वाङ र सिटी सफारी दमक २ बस्ने श्याम माझीको भएको बताइएको छ ।सबै सवारी साधन इलाका प्रहरी कार्यालय दमकको नियन्त्रणमा रहेको जिल्ला ट्राफिक प्रहरी कार्यालय झापाले जनाएको छ ।
