झापा, भदौ १० । झापा मेचीनगर –६ काँकरभिट्टामा दिपेश सुबेदीले संचालन गरेको काठ मिलमा एकजना व्यक्ति मृत फेला परेका छन् ।
आज बिहान ९.४५ बजे सुबेदीले संचालन गरेको काठ मिलमा सोही काठ मिलका जग्गाधनी ५० वर्षीय मोहन उप्रेती मृत फेला परेका हुन् । उनले पहिलेदेखि अत्यधिक मादक पदार्थ सेवन गर्ने गरेको बताइएको छ ।
काठ मिलको कोठामा सुतिरहेको अवस्थामा उनी मृत फेला परेको र इलाका प्रहरी कार्यालय काँकरभिट्टाबाट टोली खटिएर कानुनी प्रकृया पुरा गरी शव पोस्टमार्टमको लागि प्रादेशिक अस्पताल भद्रपुर पठाएको छ ।
