झापा, भदौ १० । झापाको मेचीनगरमा दुईवटा मोटरसाइकल एकापसमा जुध्दा दुईजना घाइते भएका छन् ।
आज दिउँसो २ बजे मेचीनगर १५ कालिका टि– इस्टेटस्थित भित्री सडकखण्डमा देबीबस्तीबाट घोडामारातर्फ जाँदै गरेको मे१प ३२६२ न.को मोटरसाइकलले सोहि दिशातर्फ जाँदै गरेको मे१प १९४८ न.को मोटरसाइकललाई पछाडिबाट ठक्कर दिएको थियो । दुर्घटनामा मे १ प ३२६२ न.को मोटरसाइकलका चालक बिर्तामोड १० मनकामना चोक बस्ने ३४ वर्षीय मनिष अधिकारी र मे१प १९४८ न.को मोटरसाइकल चालक भद्रपुर ५ गणेश मन्दिर बस्ने चन्द्रप्रकाश घिमिरे घाइते भएका छन् ।
मनिष अधिकारीसंगै मोटरसाइकलको पछाडि रहेका उनका छोरा ८ वर्षीय सौगात घिमिरे भने सकुशल रहेका छन् । दुबै घाइतेको ओमसाई पाथिभरा अस्पताल भद्रपुरमा उपचार भइरहेको छ । दुवै मोटरसाइकल प्रहरी चौकी घोडामाराको नियन्त्रणमा रहेको छ ।
