झापा, भदौ १० । झापा कन्काई नगरपालिकाको विरिङ पुलमा आज राति दुईवटा सवारी साधन एकापसमा जुध्दा ४ जना गंभीर घाइते भएका छन् ।
पूर्वबाट पश्चिमतर्फ जाँदै गरेको मे १ च ३४४० नं को भ्यान र पश्चिमबाट पूर्वतर्फ आउँदै गरेको मे १ च ५४४६ न. को पिकअप एकापसमा जुधेका हुन् ।
दुर्घटनाका भ्यान चालकसहित चारजना घाइते भएका हुन् । उनीहरुलाई उपचारका लागि बीएण्डसी अस्पताल लगिएको जिल्ला ट्राफिक प्रहरी कार्यालय झापाका प्रहरी निरीक्षक गणेश पौडेलले बताए । दुर्घटनाको विस्तृत विवरण आउन बाँकी रहेको छ ।
