बिर्तामोड, भदौ ११ । बिर्तामोड– ४ स्थित नयाँ मिलन बचत तथा ऋण सहकारी संस्थाले दुर्घटना मृत्यु बिमावापत् दुईजना सदस्यको परिवारलाई छ लाख रुपैयाँ प्रदान गरेको छ ।
गत बैशाख ९ गते घाग्रा पुलमा सवारी दुर्घटनामा मृत्यु भएका झापा अर्जुनधारा ५ बस्ने ६७ वर्षीय लेखनाथ सापकोटा र २०८० पुष ५ गते हेटौडा– पथलैया सडकखण्डमा सवारी दुर्घटनामा परी ज्यान गुमाएका दमक वडा नं ७ घर भई बिर्तामोड २ बस्ने नगेन्द्रप्रसाद उप्रेतीको परिवारलाई ३–३ लाख रुपैयाँको दरले दुर्घटना मृत्यु बिमाको रकम प्रदान गरिएको हो । स्वर्गीय सपकोटाको रकम मिनाकुमारी सापकोटा र उप्रेतीको रकम सोमनाथ उप्रेतीलाई सहकारीकी व्यवस्थापक सुमित्रा रेग्मीले प्रदान गरेकी थिइन् ।
नयाँ मिलन साकोसले नियमित बचत गर्ने शेयर सदस्यका लागि विभिन्न आकर्षक सेवा सुविधाहरु प्रदान गर्दै आएको छ ।
महिला सदस्य सुत्केरी रहेको अवस्थामा सुत्केरी खर्च ३ हजार , सदस्यको मृत्यु भएको अवस्थामा मृत्यु राहत खर्च रु. १५ हजार , सदस्यको बुबाआमाको मृत्यु भएको अवस्थामा मृत्यु राहत खर्च रु. ५ हजार , सवारी साधनद्वारा सदस्यको दुर्घटना भएमा उपचार खर्च अवस्था हेरी रु. २ हजारदेखि ५ हजार , सदस्यलाई कर्जा आवश्यक परेको अवस्थामा कुल बचतको ३ गुना ऋण, सदस्यका छोराछोरीले एसईईमा स्कुल टप गरेमा पुरस्कारस्वरुप रु १० हजार ,. सदस्यको व्यापार व्यवसायमा कुनै कारणवस आगलागी भएर पूर्णरुपमा क्षति भएमा राहतस्वरुप रु. १० हजार , नियमित बचत कारोबार गर्ने शेयर सदस्यहरुलाई रु. ७ लाख बराबरको दुर्घटना बिमा र नियमित बचत कारोबार गर्ने शेयर सदस्यहरुलाई रु. १ लाख बराबरको दुर्घटना उपबिमाको व्यवस्था नयाँमिलन साकोसले गर्दै आएको व्यवस्थापक रेग्मीले जानकारी दिएकी छन् ।
