झापा, भदौ १३ । मोरङमा एक जोडी नग्न अवस्थामा फेला परेका छन् ।

गएराति मोरङ सुनबर्षी नगरपालिका वडा नं.७ झपडतलमा वडा नं.८ विश्वकर्मा टोल बस्ने २१ वर्षीय युवक र सोही ठाउँ बस्ने ३५ वर्षीया युवतीलाई स्थानीयले नग्न अवस्थामा फेला पारेका हुन् । त्यसबारे प्रहरी चौकी झपडतलमा जानकारी गराउनसाथ प्रहरी सहायक निरीक्षक जुगल चौधरीको कमाण्डमा खटिएको प्रहरी टोलीले पनि दुवैलाई नग्न अवस्थामा फेला पारेको थियो । युवती भने अचेत अवस्थामा भेटिएकी थिइन् ।
दुवै जनालाई रंगेली अस्पतालमा ल्याई उपचार गराइएको थियो । युवतीको होश नखुलेपछि थप उपचारको लागि कोशी अस्पताल बिराटनगर रेफर गरिएको छ । युवकलाई इलाका प्रहरी कार्यालय रंगेलीमा ल्याई अनुसन्धान भइरहेको प्रहरीले जनाएको छ ।