कुमरखोद , भदौं १३ ।झापा गाउँपालिकाको एक शिवालय मन्दिरबाट दानपेटिका चोरी भएको छ ।
झापा गाउँपालिका वडा नं २ बालुवाटारमा नवनिर्मित जागेश्वर शिव पाञ्चायन मन्दिरबाट गएराति दानपेटिका चोरी भएको मन्दिर समितिका सचिव भीम घोर्सानेले बताए ।
मन्दिर अगाडी राखिएको दानपेटिका चोरले राति पानी परिरहेको मौका छोपेर बाकस नै उठाएर लगेको मन्दिर समितिका सचिव घोर्सानेले बताए । उक्त बाकस फागुन महिनादेखि नखोली राखिएको थियो । दानपेटिकामा ८–१० हजार रुपैयाँ हुनुपर्ने उनले बताए ।
दानपेटिका चोरी भएपछि इलाका प्रहरी कार्यालय कुमरखोदलाई लिखित जाहेरी दिएको सचिव घोर्सानेले जानकारी दिए । इलाका प्रहरी कार्यालय कुमरखोदका प्रहरी नायव निरीक्षक किरन मोक्तानले दानपेटिका चोरी गर्ने व्यक्तिको खोजीकार्य भइरहेको जानकारी दिएका छन् ।
