झापा, भदौ १३ । बैंकिङ कसुर मुद्धामा पक्राउ परेका एकजना थुनुवा विरामी भएर अस्पताल भर्ना भएका छन् ।
आज दिउँसो ३.४५ बजे जिल्ला प्रहरी कार्यालय झापाको हिरासतमा रहेका बैंकिङ कसुर मुद्दाका थुनुवा जिल्ला बिर्तामोड नगरपालिका –९ बस्ने ६४ वर्षीय रुद्रप्रसाद आचार्य विरामी भई अस्पताल भर्ना भएका हुन् ।
पेट सम्बन्धी बिरामी भई उपचारको लागि प्रादेशिक अस्पताल भद्रपुर लगिएकोमा सामान्य उपचारपश्चात् थप उपचारको लागि ओमसाई पाथिभरा अस्पताल भद्रपुरमा लगि उपचार भइरहेको प्रहरीले जनाएको छ । बैंकिङ कसुर मुद्धामा उनी हिजो पक्राउ परेका थिए ।
