बिर्तामोड , भदौ १४ । हतियार प्रहारबाट बिर्तामोड– १० विराटपोखरमा एक युवक घाइते भएका छन् ।
गएराति ११ बजे बिराटपोखरमा वडा नं १० सैनिक बजार बस्ने ३९ वर्षीय पुरण राई , सोही ठाउँका ३७ वर्षीय दिनेश देवान , २९ वर्षीय सन्जीव बरालसहितका युवाहरु घरतर्फ फर्किरहेको अवस्थामा अपरिचित समूहले पछाडीबाट पुरण राईको टाउकोमा धारिलो हतियारले प्रहार गरी फरार भएका थिए ।
घाइते राईलाई उपचारको लागि उनका साथीहरुले बिर्तासिटी अस्पताल बिर्तामोड लिएर गएका छन् । टाउकोमा गहिरो चोट लागेका राईको अबस्था मध्यम रहेको छ । प्रहरी चौकी बिर्ताबजारबाट प्रहरी सहायक निरीक्षक पदम बिष्टको कमाण्डमा टोली खटिएर घटनामा संलग्नहरुको खोजतलास भइरहेको प्रहरीले जनाएको छ ।
