झापा, भदौ १४ । इलाममा आज विहान ग्यास पड्किएर आगलागी भएको छ ।
बिहान ८ः५५ बजे इलाम चुलाचुली– २ अमरचौक बस्ने मिलन राईको टिनको छानो र टिनको बेरा भएको एकतले भान्सा घरमा अचानक ग्यास पड्किएर आगलागी भएको हो । आगलागीबाट भान्सा घर, भान्सा घरभित्र रहेका भाडाबर्तन, अन्नपात पूर्णरुपमा जलेर नष्ट भएको छ । क्षतिको विवरण प्राप्त हुन सकेको छैन ।
प्रहरी चौकी पेल्टिमारीमा खबर प्राप्त हुनसाथ प्रहरी बरिष्ठ नायव निरीक्षक नारायणप्रसाद कुँवरको कमाण्डमा प्रहरी टोली खटिएर नेपाल प्रहरी, चुलाचुली सशस्त्र बेश क्याम्प इलाम र स्थानीयको सहयोगमा आगो ९ः२० बजे पूर्णरुपमा नियन्त्रणमा आएको जिल्ला प्रहरी कार्यालय इलामले जनाएको छ ।
