झापा, कात्तिक ७ । झापाको बिर्तामोड– ९ नडियावारीस्थित आदर्शचौक–हल्दिवारी भित्री सडकखण्डमा कारले सिटी सफारीलाई ठक्कर दिँदा चारजना घाइते भएका छन् ।
केहीवेरअघि आदर्शचौकबाट हल्दिवारीतर्फ जाँदै गरेको बागमती प्रदेश ०१–०३० च८६७७ नं को कारले गलत दिशामा गएर विपरित दिशाबाट आउँदै गरेको प्र १ –०१–००२ ह ७०२८ नं को सिटसिफारीलाई ठक्कर दिएको हो । सिटीसफारी सडक पश्चिम पल्टिएको छ ।
दुर्घटनामा सिटी चालकसहित त्यसमा सवार चारजना घाइते भएका हुन् । उनीहरुलाई उपचारका लागि बिर्तामोडतर्फ लगिएको छ । सिटी घटनास्थलमै रहेको छ भने कार र कार चालकलाई प्रहरीले नियन्त्रणमा लिएको छ ।
