झापा, कात्तिक १८ । इलाममा भएका सवारी दुर्घटनामा ६ जना घाइते भएका छन् ।
आज दिउँसो २.४५ बजे इलाम माङसेबुङ–२ तामा खोलानजिकै भित्री सडकखण्डमा झापा बिर्तामोडबाट गजुरमुखीधामतर्फ जाँदै गरेको मे १ ज १३१६ नं. को पिकअप अनियन्त्रित भई सडकमै पल्टिएको हो ।
दुर्घटनामा गाडी चालक बिर्तामोड .५ बस्ने बर्ष ४७ का बिनोद राजवंशी , सोही ठाउँ बस्ने बर्ष ३७ का संजिव मण्डल , बर्ष १५ की सविना मण्डल , वर्ष ४९ का रमण मण्डल र नाम वतन नखुलेका बर्ष अन्दाजी ५५ का पुरुष घाइते भएका छन् । उनीहरुलाई उपचारको लागि मनमोहन अस्पताल बिर्तामोड ल्याइएको छ । पिकअपमा चालकसहित ७ जना सवार रहेका थिए ।
त्यस्तै आज दिउँसो १ बजे इलाम रोङ –४ बाघखोरस्थित मेची राजमार्गमा इलामबाट झापातर्फ आउँदै गरेको प्र१–०१–००१ ज ३७८२ नं. इभी गाडी र सोही दिशातर्फ आउँदै गरेको प्र१–०५–००२ प ०४०५ नं मोटरसाइकलले इभी भ्यानलाई ओभरटेक गर्ने क्रममा एक आपसमा ठक्कर खाई दुर्घटना भएको छ ।
दुर्घटनामा मोटरसाइकल चालक उदयपुर कटारी –५ बस्ने बर्ष २३ का चुडामणि धमला घाइते भएका छन् । उनलाई उपचारको लागि झापातर्फ ल्याइएको छ । इभी चालक इलाम नगरपालिका १० बस्ने बर्ष २४ का अन्जन राई रहेका छन् । दुवै सवारी साधन प्रहरी चौकी किटेनीको नियन्त्रणमा रहेको छ ।
