झापा, कात्तिक १८ । प्रतिबन्धित लागूऔषध ब्राउनसुगरसहित बिर्तामोड ३ बिर्ताबजारका एक युवक पक्राउ परेका छन् ।
आज दिउँसो ३ः३० बजे वडा प्रहरी कार्यालय भद्रपुरबाट खटिएको प्रहरी टोलीले भारतबाट नेपालतर्फ आउँदै गरेका पैदलयात्री बिर्तामोड ३ बिर्ताबजार बस्ने २१ वर्षीय राजु माझीलाई ब्राउनसुगरसहित पक्राउ गरेको हो ।
शंका लागेर चेकजाँच गर्दा उनले मलद्वारभित्र प्लाष्टिकको पोका पारी लुकाई छिपाई ल्याउँदै गरेको प्लाष्टिकबाहेक ७ ग्राम २६० मिलिग्राम ब्राउनसुगर फेला परेको थियो । उनलाई थप अनुसन्धान तथा कानुनी कार्बाहीको लागि जिल्ला प्रहरी कार्यालय झापा पठाइएको छ ।
