झापा, मंसिर ६ । झापाको गौरीगञ्ज वडा न.१ स्थित कुञ्जिबारी बजारमा सामान बेच्दा बेच्दै ढलेर एकजनाको मृत्यु भएको छ ।
आज दिउँसो ३ बजे शिवसताक्षी वडा न.५ बस्ने ७२ वर्षीय सम्पतलाल राजबंशी कुञ्जिबारी बजारमा ढलेका हुन् ।
बीउबिजनको ब्यापार गर्न कुञ्जिबारी बजार गई ब्यापार गरिरहेकोमा अचानक चक्कर लागेर राजवंशी बेहोस भएका थिए । उनलाई उपचारको लागि दमक अस्पताल दमक पठाइएकोमा ४ः३५ बजे चिकित्सकले मृत घोषणा गरेका थिए ।
घटनाबारे प्रहरीलाई जानकारी प्राप्त हुनसाथ टोली खटिएर थप बुझ्ने कार्य भइरहेको जिल्ला प्रहरी कार्यालयले जनाएको छ ।
