झापा, मंसिर १२ । जिल्ला प्रहरी कार्यालय इलामले ८.०७० ग्राम लागूऔषध ब्राउनसुगरसहित चारजनालाई पक्राउ गरेको छ।
बिशेष सूचनाको आधारमा जिल्ला प्रहरी कार्यालय इलाम र लागूऔषध नियन्त्रण व्युरो शाखा कार्यालय काँकरभिट्टाबाट खटिएको संयुक्त टोलीले हिजो उनीहरुलाई पक्राउ गरेको हो । पक्राउ पर्नेहरुमा इलाम नगरपालिका ७ बस्ने २१ वर्षीय छिरिङ दोर्जे लामा , इलाम ६ बस्ने वर्ष ३५ वर्षीय केशब दाहाल , इलाम ६ बस्ने २७ वर्षीय मौसम राई र इलाम ५ बस्ने २३ वर्षीय सौरभ लुङ्गेली मगर रहेका छन् । लामाको साथबाट ८.०७० ग्राम ब्राउनसुगर, नगद ६९ हजार ४०० रुपैयाँ बरामद भएको थियो ।
पक्राउ परेका चारैजनालाई इलाम जिल्ला अदालत, इलामबाट हिजोदेखि लागु हुने गरी ८ दिन म्याद थप गरी अनुसन्धान भइरहेको जिल्ला प्रहरी कार्यालय इलामले जनाएको छ ।
