झापा,मंसिर १३ । संयुक्त अरब इमिरेट्स (यूएई)मा जारी एसीसी पुरुष यू–१९ प्रिमियर कप क्रिकेट प्रतियोगिताको सेमिफाइनल खेलमा नेपालले मलेसियामाथि शानदार जित निकालेका छन्।
शनिबार भएको एकदिवसीय खेलमा मलेसिया १७.२ ओभरमा ५१ रन बनाएर अलआउट भएको हो।
मलेसियाले दिएको ५२ रनको सामान्य लक्ष्य पन्छाएको नेपालले १ विकेटको क्षतिमा ७.५ ओभरमा ५५ रन बनाउँदै शानदार जित निकालेको हो।
नेपालका लागि निरजकुमार यादव ३ बलमा ४ रन बनाएर आउट भए। भान्श क्षेत्री २३ रन र निश्चल क्षेत्री १५ रनमा नटआउट रहे।
मलेसियाका लागि मोहम्मद अकरमले १ विकेट लिए।
