झापा, मंसिर १४ । केन्द्रीय कारागार काठमाण्डौबाट फरार एकजना कैदी झापामा पक्राउ परेका छन् ।
लागूऔषध र जाली नोट कारोबारी मुद्दाका कैदी झापा गाउँपालिका वडा नं ५ पन्थापारा बस्ने बर्ष ३० का ऐराजुल हकलाई प्रहरीले पक्राउ गरेको हो ।
आज बिहान ९.४५ बजे झापा गाउँपालिका वडा न.४ भामटोलीस्थित आफन्त घरमा लुकिछिपि बसिरहेको अवस्थामा इलाका प्रहरी कार्यालय कुमरखोदबाट खटिएको प्रहरी नायव निरीक्षक किरण मोक्तान कमाण्डको गस्ती टोलीले फेला पारी जिल्ला प्रहरी कार्यालय झापामा बुझाएको छ । उनलाई आवश्यक कारवाहीको लागि सम्बन्धित कारागार पठाउने तयारी भइरहेको जिल्ला प्रहरी कार्यालयले जनाएको छ ।
जेनजी आन्दोलनका क्रममा भदौ २४ गते उनी केन्द्रीय कारागार काठमाण्डौबाट फरार भएका थिए ।
