झापा, मंसिर १४ । साइकलबाट लडेर झापामा तीनजना घाइते भएका छन् ।
हिजो दिउँसो ३ बजे बुद्धशान्ति –४ राईचोक बस्ने धनकुमार राईका छोरा बर्ष ९ का सम्मर राई साइकलबाट अचानक लडेर घाइते भएका हुन् । उनको बिर्तासिटी अस्पताल बिर्तामोड उपचार भइरहेको छ ।
त्यस्तै कन्काई ३ ठमेल चौक बस्ने बर्ष४१ का प्रेम दर्जीले मादक पदार्थ सेवन गरी सुरुङ्गा बजारबाट घरतर्फ जाँदै गर्दा साइकल अनियन्त्रित भई लड्दा उनी घाइते भएका छन् । उनको कन्काई नगर अस्पताल सुरुङगामा उपचार भइरहेको छ ।
त्यस्तै भद्रपुर नगरपालिका ५झिम्की चोकमा साइकलबाट लडेर एकजना घाइते भएका छन् । भारत बिहार राज्य जिल्ला किशनगंज गलगलिया भादगाउँ बस्ने वर्ष ६० का सदान्दा शर्मा साइकलबाट लडेर घाइते भएका हुन् । उनको प्रादेशिक अस्पताल भद्रपुरमा उपचार भइरहेको छ ।
