झापा, पुष १० । जंगली हात्तीको आक्रमणबाट मेचीनगरमा एकजना घाइते भएका छन् ।
हिजो साँझ ६ बजे मेचीनगर नगरपालिका वडा नम्वर–१३ चारआलीमा रहेको हातेमालो सामुदायिक वनभित्र दाउरा लिन गएका स्थानीय २६ वर्षीय आकाश दाहाललाई अचानक आएको एउटा हात्तीले आक्रमण गरी घाइते बनाएको हो ।
घाइतेको बीएण्डसी अस्पताल बिर्तामोडमा उपचार भइरहेको छ । उनको दाहिने खुट्टामा चोट लागेको छ । प्रहरी चौकी चारआलीबाट प्रहरी टोली गएपछि हात्ती जंगलतर्फ भागेको प्रहरीले जनाएको छ ।
