झापा, पुष १६ । श्रीमतीलाई कुटपिट गरी जिउँदै जलाउन खोज्ने अर्जुनधाराका एक व्यक्ति पक्राउ परेका छन् ।
हिजो राति १० बजेतिर अर्जुनधारा वडा नं.४ भाङवारी बस्ने ४० वर्षीय डम्बर परियारले आफ्नै श्रीमती ४२ वर्षीया मेनुका परियार गुरूङलाई सामान्य वादविवाद भई कुटपिट गरी आगोमा घिसारेर हाल्ने प्रयास गरेका थिए ।
घाइतेको ढाड,अनुहार,घुँडा र हातमा चोट लागेको छ । उनको अबस्था सामान्य रहेको बताइएको छ । हिजो प्रहरी चौकी शनिश्चरेमा लिखित निबेदन दिएपछि परियारलाई पक्राउ गरी इलाका प्रहरी कार्यालय बिर्तामोडमा ल्याई राखिएको छ ।
