झापा, पुष २७ । गएराति अपरिचित व्यक्तिले झापाको मेचीनगरमा विध्वंस मच्चाएका छन् ।
राति अन्दाजी ११ बजे मेचीनगर १ बाँसे बस्ने ४५ वर्षीय सन्तबहादुर घिसिङले आफ्नै घरमा पार्किङ गरी राखेको डब्लुबी ७४एस५७३०नम्बको १५०सि.सि.को पल्सर मोटरसाइकलमा घरको सबै सदस्य सुतेको अवस्थामा अपरिचित व्यक्तिले आगजनी गरेका छन् । आगजनीबाट मोटरसाइकलमा आंशिक क्षति भएको छ ।
त्यस्तै सोही ठाउँ बस्ने शालिग्राम पोखरेलको १०–१२ ओटा सुपारीको बिरुवा काटेर नष्ट पारेको छ भने टाली बनाई राखेको परालको कुन्यूमा समेत आगो लगाई क्षति पुर्याएका छन् । जसबाट अन्दाजी ७ हजार बराबरको क्षति भएको छ । आगो तत्काल स्थानीयहरुले नियन्त्रणमा लिएका थिए । त्यस्तो विध्वंस मच्चाउने ब्यक्तिको खोजतलास भइरहेको प्रहरीले जनाएको छ ।
