झापा, फागुन १४ । झापाको दमकबाट लागूऔषधसहित दुईजना पक्राउ परेका छन् ।
गएराति १२ः१५ बजे दमक २ स्थित बेलडाँगीमा सशस्त्र प्रहरी बल नेपाल झापा क्षेत्र नं. ५ निर्वाचन सुरक्षा बेशबाट खटिएको टोलीले चेकजाँच गर्ने क्रममा को १ ह ७२५७ को अटोमा चालक दमक ९ चियावारी बस्ने अन्दाजी बर्ष २६ का सोनु पोद्धार र दमक २ बेलडाँगी बस्ने अन्दाजी बर्ष २० का लक्ष्मी लिम्बुलाई ब्राउन सुगरसहित पक्राउ गरेको हो ।
उनीहरुको साथबाट ५ ग्राम ब्राउन सुगर र ६ वटा डायनोमा ट्याब्लेट फेला परेको छ । आबश्यक अनुसन्धान तथा कार्वाहीको उनीहरुलाई प्रहरी चौकी बाघखोरमा सवारीसहित बुझाइएको छ ।
