एजेन्सी । अमेरिकी राष्ट्रपति डोनाल्ड ट्रम्पले इरानमा भएका ताजा आक्रमणहरूमा अमेरिका पनि सहभागी भएको पुष्टि गरेका छन् ।
ट्रम्पले ट्रुथ सोशियलमा पोस्ट गरिएको एउटा भिडियोमा भनेका छन्, ‘अमेरिकाले इरानमा “ठूलो युद्ध अभियान” सुरु गरेको छ।’
ट्रम्पले भनेका छन्, “हामीले बारम्बार सम्झौता गर्न प्रयास गरेका हौँ। हामी उनीहरूको क्षेप्यास्त्रहरू नष्ट गर्नेछौँ र उनीहरूको क्षेप्यास्त्र उद्योगलाई माटोमा मिलाउनेछौँ। यसलाई पूर्ण रूपमा समाप्त गरिनेछ।”
यसअघि डोनाल्ड ट्रम्पले शुक्रबार भनेका थिए कि अमेरिकाले इरानमा आक्रमण गर्ने वा नगर्ने बारेमा अहिलेसम्म कुनै “अन्तिम निर्णय” भएको छैन। तर उनले यो पनि भनेका थिए कि उनी परमाणु मुद्दामा छलफलको क्रममा इरानको छलफलको स्थितिमा “खुसी थिएनन्” ।
