कालीझोडा असोज ३० । नेपाली काँग्रेस झापाका सञ्चार बिभाग प्रमुख कृष्णप्रसाद हुमागाँइले नेपालको वर्तमान संविधान नेपाली काँग्रेसको लोकतान्त्रिक अवधारण अनुसार नै बनेको भएपनि कम्युनिष्टहरुले लोकतान्त्रिक मूल्य र मान्यता बिपरित शासन गर्न खोजीरहेको बताए । अर्जुनधार नगरपालिका १० कालीझोडामा आज आयोजित बडादशैं शुभकामना आदानप्रदान तथा प्रशिक्षण कार्यक्रमलाई सम्बोधन गर्दै काँग्रेस जिल्ला सदस्य तथा महाधिवेशन प्रतिनिधि हुमागाँईले लोकतान्त्रिक व्यवस्थालाई कम्युनिष्टहरुले गरेको भ्रष्टाचार र कुशासनले बिकृत बनाईरहेको र बिकृत प्रजातन्त्रको गर्भबाट निरंकुशताको जन्म हुने खतरा रहेको औंल्याए ।


नेपाली काँग्रेस महाधिवेशन प्रतिनिधि मोहन सुब्बाले राष्ट र जनताको समृद्धिका लागि स्थापना नेपाली काँग्रेसको स्थापना भएको बताउँदै कम्युनिष्टहरुको भ्रमजालमा परेका जनताले नेपाली काँग्रेसलाई खोजीरहेको बिचार व्यक्त गरे । नेपाली काँग्रेस अर्जुनधारा– १० नं वडा अन्तर्गत पाँच नम्बर टोल समितिद्वारा आयोजित सो कार्यक्रममा क्षेत्रीय प्रतिनिधिहरु शेखरनाथ अधिकारी, ललित खड्का र कर्ण तामाङ्ग, ट्रेड युनियन काँग्रेस झापा जिल्ला कोषाध्यक्ष गान्धारी मिश्र, वडा सभापति यज्ञलाल श्रेष्ठ, लगायतले शुभकामना मन्तव्य राखेका थिए ।

टोल सभापति गाविन्द पोखरेलको सभापतित्वमा भएको सो कार्यक्रममा खगेन्द्र सुवेदीले स्वागत मन्तब्य राखेका थिए भने कार्यक्रमको सञ्चालन टिका लिम्बूले गरेकी थिइन् । माक्स, सेनेटाइजर र भौतिक दूरीलाई कायम गरेरर आयोजना गरिएको सो कार्यक्रममा बहुसंख्यक युवा कार्यकर्ताहरुको सहभागिता रहेको थियो ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्