एजेन्सी । आईपिएलमा मुम्बई इन्डियन्सले कोलकाता नाइट राइडर्सलाई आठ विकेटले हराएको छ ।
![](https://pratidindaily.com/wp-content/uploads/2020/10/114944678_6034f91c-5d02-43ef-a759-685a6cf1a56b.jpg)
गएराति अबुधाबीमा पछिल्लो च्याम्पियन मुम्बई इन्डियन्स र कोलकाता नाइट राइडर्सबीच प्रतिष्पर्धा गराइएको थियो ।
मुम्बईको सामु जीतका लागि १४९ रनको लक्ष्य रहेको थियो ।जसलाई उसले १६.५ ओभरमा दुई विकेट गुमाउँदै हासिल गरेको हो । मुम्बईको जीतमा क्विन्टन डी ककले नटआउट ७८ रन बनाएर महत्वपूर्ण भूमिका निभाए । त्यसअघि कोलकाताले टस जितेर पहिले ब्याटिङ गर्दै निर्धारित २० ओभरमा पाँच विकेट गुमाउँदै १४८ रन बनाएको थियो । यो जीतसँगै मुम्बई अंकतालिकाको शीर्ष स्थानमा पुगेको छ ।