झापा , कात्तिक ७ । झापा क्षेत्र नं ४ का संघीय सांसद एलपी साँवालाई कोरोना संक्रमण भएको छ ।
सांसद साँवासँगै उनकी श्रीमती मनिषालाई पनि संक्रमण पुष्टि भएको हो । हिजो बिहीबार आएको पिसिआर रिपोर्टमा दुवैजनामा संक्रमण देखिएको नेकपा शिवसताक्षी नगर कमिटीका सचिवालय सदस्य दुर्गा नेम्बाङले बताए । । काठमाडौंको धुम्बाराहीमा बस्दै आएका सांसद साँवाले शंका लागेर बुधबार पिसिआर परीक्षण गराएका थिए । उनी र उनकी श्रीमतीलाई संक्रमण भएपनि परिवारका सदस्यलाई संक्रमण नदेखिएको नेम्बाङले बताए । संक्रमण पुष्टि भएपछि साँसद साँवा होम आइसोलेसनमा बसेका छन् ।
