बिर्तामोड , माघ १७ । बिर्तामोड ३ स्थित बिर्ता सामुदायिक प्रहरी सेवा केन्द्रले भर्खरै इलाका प्रहरी कार्यालय बिर्तामोडमा सरुवा भएर आएका प्रहरी नायव उपरीक्षक सन्तोष आचार्यलाई स्वागत गरेको छ ।
एक परिचयात्मक कार्यक्रम गरी प्रहरी सेवा केन्द्रले डिएसपी आचार्यलाई स्वागत गरेको हो । प्रहरी सेवा केन्द्रका अध्यक्ष केशवराज पाठकको अध्यक्षता तथा वरिष्ठ सल्लाहकार लोकबन्धु कन्दङ्वाको प्रमुख आतिथ्यमा भएको कार्यक्रममा डिएसपी आचार्यलाई जनताको सेवामा इमान्दार र कर्तव्यनिष्ठ भएर लाग्न शुभकामना दिइएको थियो । आचार्यले बिर्तामोडमा लागुऔषधको धेरै विगविगी रहेको भन्दै त्यसलाई नियन्त्रण गर्न सबै लाग्न जरुरी भएको जोड दिए । प्रहरी सेवा केन्द्रकी कोषाध्यक्ष जानुका थापा मगरले स्वागत गरेको कार्यक्रमको संचालन सचिव कृष्ण राजवंशीले गरेका थिए ।कार्यक्रममा बिर्तामोड ३ का वडाध्यक्ष भोजराज सिटौलाको विशेष आतिथ्यता रहेको थियो ।
