भद्रपुर, फागुन २४ । भद्रपुर ७ स्थित एमरल्ड एकाडमी अन्तरकक्षा भलिबल प्रतियोगिताको छात्रतर्फको उपाधि कक्षा ११ को बिजनेस समूहले हात पारेको छ ।
खेल सप्ताहअन्तर्गत सम्पन्न प्रतियोगिताको उपविजेता कम्प्युटर समूह कक्षा १२ भएको छ । त्यसैगरी छात्रास्तरीय प्रतियोगिताको उपाधि कम्प्युटर कक्षा १२ समूहले हात पारेको थियो भने उपविजेतामा बिजनेस कक्षा ११ टिम सीमित भएको थियो ।
विजेता टिमलाई नगद ५ हजारसहित शिल्डले पुरस्कृत गरियो भने उपविजेता समूहलाई नगद ३ हजारसहित पुरस्कृत गरिएको छ ।
भाइस प्रिन्सिपल प्रमिला अधिकारीको अध्यक्षता तथा संस्थापक प्रिन्सिपल तिलक प्याकुरेलको प्रमुख आतिथ्यमा पुरस्कार वितरण गरिएको थियो ।
