झापा , बैशाख ६ । प्रतिबन्धित लागूपदार्थ खैरो हिरोइनसहित एक भारतीय नागरिकलाई प्रहरीले पक्राउ गरेको छ ।
हिजो दिउँसो १.३० बजे बिशेष सूचनाको आधारमा लागूऔषध नियन्त्रण ब्यूरो काँकडभिट्टा र ईलाका प्रहरी कार्यालय दमकबाट खटिएको प्रहरी टोलीले दमक ६ नमुना मार्गमा भारत किसनगंज डिघलबैंक थाना सतकौवा पन्चायत बस्ने २६ वर्षिय सिद्धिक आलमलाई पक्राउ गरेको हो । शंका लागेर चेकजाँच गर्दा उनले लगाएको पेन्टको गोजीभित्र नेपाली रुपैयाँ पन्ध्र सय र कालो र हरियो प्लास्टिकमा पोका पारी बोकी राखेको २९ ग्राम खैरो हिरोइन बरामद भएको थियो । आलमलाई नियन्त्रणमा लिई थप आवश्यक अनुसन्धानको लागि इलाका प्रहरी कार्यालय दमकमा राखिएको छ ।
