मेचीनगर, वैशाख ६ । मेचीनगरमा भारतीय ट्रकले ठक्कर दिँदा एक साइकलयात्रीको मृत्यु भएको छ ।
आज विहान साढे ९ बजे मेचीनगर–७ स्थित पूर्व पश्चिम राजमार्गमा पश्चिमबाट पूर्व आउँदै गरेको डब्लुवी ७३ वी ३३२४ नम्बरको भारतीय ट्रकले साइकलयात्री मेचीनगर–७ स्थित इच्छा टोलका ३२ वर्षीय मनोज मेचेलाई ठक्कर दिएको थियो । गम्भीर घाइते भएका मेचेलाई तत्काल बिर्तामोडस्थित बिएण्डसी अस्पताल पुर्याइएको थियो । अस्पताल परिसर पुर्याउने बित्तिकै मृत्यु भएको जिल्ला ट्राफिक प्रहरी कार्यालय झापाले जनाएको छ ।
दही किनेर साइकलमा घर फर्किन बाटो क्रस गर्दा मेचेलाई ट्रकले ठक्कर दिएको थियो । दुर्घटनापछि ट्रक र साइकल इलाका प्रहरी कार्यालय काँकरभिट्टाको नियन्त्रणमा छ भने चालक फरार रहेको ट्राफिक प्रहरीले जनाएको छ ।
