झापा, बैशाख ३१ । प्रहरी प्रशासनले निषेधाज्ञा लगाएर सीमा बन्द गरेका बेलामा समेत भारतबाट तस्करी रोकिएको छैन ।
भारतबाट भन्सार छलेर ल्याएको ठूलो परिमाणको सामान शुक्रबार सशस्त्र प्रहरीले बरामद गरेको छ । सशस्त्र प्रहरीको २ नं गणबाट खटिएको गस्ती टोलीले २४ लाख ५४ हजार ५ सय मूल्य बराबरको सामान बरामद गरी भद्रपुर भन्सार कार्यालयमा बुझाएको हो ।
मे १ च ५३२९ नं को छोटा हात्तीमा राखेर ल्याउँदै गरेको ४६ बोरा चिनी र १५ बोरा सूर्ती तथा मे १ च १९०८ नं को छोटा हात्तीमा राखेर ल्याउँदै गरेको २५० केजी माछाको भुरा बरामद गरिएको गणले जनाएको छ ।
