झापा , साउन २९ । झापामा कोरोना भाइरस संक्रमणका कारण एकजना स्वास्थ्यकर्मीको मृत्यु भएको छ ।
विगत सात दिनदेखि बिर्ता सिटी हस्पिटलमा उपचाररत हल्दिबारी १ गोलधापका ४२ वर्षिय षडानन्द नेपालको उपचारका क्रममा आज बिहान ३ बजे मृत्यु भएको हो । औषधि पसलसमेत संचालन गर्दै आएका उनी लोकप्रिय स्वास्थ्यकर्मी रहेका थिए । स्थानीय ठाउँमा नेपाल डाक्टरका नामले परिचित नेपालले लामो समयदेखि गोलधाप , चकचकी , बिर्तामोड १० लगायतका क्षेत्रमा अनवरत स्वास्थ्य सेवा दिदै आइरहेका थिए ।
