बिर्तामोड , भदौ ७ । क्यान्सर रोगले पीडित बिर्तामोडका उदयीमान कलाकार राजु चौधरीलाई खर्चको अभावमा उपचारमा समस्या भएको छ ।
![](https://pratidindaily.com/wp-content/uploads/2021/08/238052602_1040003003436654_1663887387030533009_n.jpg)
रेडियम ब्यान्डका भोकलिस्ट, नेपाल चलचित्रकर्मी संघका सदस्य चौधरीको उपचारमा परिवारले आर्थिक अबस्थाले भ्याएसम्म खर्च गर्दा संभव नभएपछि सहयोगका लागि अपिल गर्नुपरेको हो । बोनम्यारो क्यान्सर रोगबाट ग्रसित चौधरीको २ हप्ताअघि बिराटनगरमा उपचार भैरहेको थियो । अचानक बिरामीको स्वास्थ्य स्थिति जटिल बन्दै गएपछि उनलाई बिर्तामोडस्थित पूर्वाञ्चल क्यान्सर हस्पिटलमा रेफर गरिएको थियो । यहाँ पनि उपचार सम्भव नभएपछि काठमाडांै लाने प्रबन्ध मिलाइएको थियो । काठमाडौंको ब्लड हस्पिटलमा उपचारार्थ राजुको आर्थिक अवस्था कमजोर भएको हुँदा परिवारले सहयोगको लागि अपिल गरेको हो । सहयोग गर्न चाहनुहुने मनकारी महानुभावलाई राजु चौधरीको नाममा सनराइज बैंक बिर्तामोडमा रहेको खाता नं ०११०७५१८०२२०५००१ मा रकम जम्मा गरेर सहयोग गरिदिन परिवारले आग्रह गरेको छ ।