गौरीगञ्ज ,भदौै ११ । गौरीगञ्ज क्षेत्रबाट विभिन्न समयमा बरामद भएको घरेलु मदिरा प्रहरीले नष्ट गरेको छ ।
ईलाका प्रहरी कार्यालय गौरीगञ्जले स्थानीय क्षेत्रमा गस्तीका क्रममा विभिन्न समयमा बरामद गरेको ३ सय १० लिटर घरेलु मदिरा स्थानीय, आन्तरिक राजश्व कार्यालयका प्रतिनिधि र पत्रकारको रोहवरमा नष्ट गरेको हो ।
गौरीगञ्ज आसपासका बजार तथा नेपालबाट भारतका विभिन्न बजारहरुमा जर्किनमा राखेर घरेलु मदिरा लादै गरेको अवस्थामा प्रहरीले बरामद गरेको थियो । नेपालबाट अबैध रुपमा लुकाई छिपाई भारतीय बजारतर्फ लादै गरेको २४ जर्किन घरेलु मदिरा बरामद गरी नष्ट गरिएको ईलाका प्रहरी कार्यालय गौरीगञ्जका प्रमुख राकेश रेग्मीले जानकारी गराए।
