बिर्तामोड, असोज २४ । नेपाली काँग्रेस बिर्तामोड ३ नं वडा समितिको आयोजनामा शुभकामना आदान–प्रदान तथा चियापान कार्यक्रम सम्पन्न भएको छ ।
कार्यक्रमलाई सम्बोधन गर्दै प्रमुख अतिथि नेपाली काँग्रेसका केन्द्रीय सदस्य सुधिरकुमार शिवाकोटीले आगामी संसदीय, प्रदेश र स्थानीय तहको निर्वाचनमा कांग्रेसका उम्मेद्वारहरुलाई विजयी गराउन कार्यकर्तालाई आग्रह गरे ।
पार्टीको महाधिवेशनमा विभिन्न तहका निर्वाचनको छनौट प्रक्रियामा संकटको घडीमा पार्टीलाई सहयोग गरेका, नीति विचार र कार्यक्रम बुझेकालाई नेतृत्वमा स्थापित गराउन शिवाकोटीले आग्रह गरे ।
पूर्व सांसद डिल्ली सिटौलाले पार्टीभित्र अध्ययन, चिन्तन र संगठन मजबुद पार्नेभन्दा फाइदा खोज्ने प्रबृत्ति बढेको भन्दै चिन्ता व्यक्त गरे । कार्यक्रममा प्रजातान्त्रिक आन्दोलनमा महत्वपूर्ण योगदान पुर्याएका अग्रज नेताहरु सत्यनारायण महत, कृष्णबहादुर दाहाल, लयप्रसाद संग्रौला, नन्दलाल न्यौपाने, प्रेमप्रसाद कडरिया र लालबहादुर राजवंशीलाई सम्मान गरिएको थियो । कार्यक्रममा नेपाली कांग्रेस प्रचार विभाग संयोजक कृष्ण हुमागाँई, क्षेत्रीय सभापति खगेन्द्र मैनाली, महाधिवेशन प्रतिनिधिहरु दिपक तामाङ, सिता पौडेल, भूमादेवी घिमिरे, दिपेन्द्र ढकाल, शहिद पिता केदार गिरी, नेपाली कांग्रेस झापाका सदस्य पार्वता गिरी, विर्तामोड नगरसभापति भोजराज सिटौला, ट्रेड युनियन कांग्रेस सभापति यज्ञप्रताप अधिकारी, विर्तामोड नगर उपसभापति सूर्य कन्दङवाले पनि मन्तव्य राखेका थिए ।
वडा सभापति प्रेम उप्रेतीको सभापतित्वमा सम्पन्न कार्यक्रममा स्वागत मिरा खड्का र सञ्चालन सन्तोष उप्रेतीले गरेका थिए ।
