बिर्तामोड , असोज २५ । बिर्तामोड वडास्तरीय फुटबल प्रतियोगिताको उपाधि वडा नम्बर ४ ले जितेकोे छ ।
बिर्तामोड खेलकुद विकास समितिद्वारा आयोजित तेस्रो वडास्तरीय फुटबल प्रतियोगिताअन्तर्गत सोमबार भएको फाईनल खेलमा वडा नम्बर ४ ले वडा नम्बर ६ लाई एकका बिरुद्ध ३ गोलले पराजित गरी उपाधि आफ्नो हातमा पार्न सफल भएको हो ।
उपाधिसंगै बिजेता टिमले नगद ७५ हजार , ट्रफी ,मेडल जितेको छ भने उपविजेता टीमले ५० हजार नगद पुरस्कार , पाएको अध्यक्ष टीका संग्रौलाले बताए । असोज १८ बाट शुरु भएको प्रतियोगितामा दशैवटा वडाका १० वटा टिमले सहभागिता जनाएका थिए ।
फाइनल खेलको म्यान अफ द म्याच नरेन्द्रमणि लिम्बू , उत्कृष्ट गोलरक्षक अभिषेक चौधरी ,सर्वाधिक गोलकर्ता योगेश गुरुङ ,उत्कृष्ट डिफेन्स रोशन गुरुङ ,उत्कृष्ट मिडफिल्डर रोमन भुजेल , म्यान अफ द सिरिज योगेश गुरुङ घोषित भएका छन्। यस्तै उत्कृष्ट प्रशिक्षक वडा नं ४ का गोपाल राई घोषित भएको उपाध्यक्ष केशवराज भण्डारीले जानकारी दिए।
