झापा , कात्तिक १३ । नेकपा एमाले शिवसताक्षी नगर कमिटीको अध्यक्षमा मेघाहाङ थोप्रा रोशन निर्वाचित भएका छन् ।
आज नगर कमिटीको लागि भएको निर्वाचनमा ३८१ मत ल्याई थोप्रा विजयी भएका हुन् । उनका प्रतिद्वन्द्वी सिताराम भेट्वालले १७० मत ल्याएका छन् । त्यस्तै उपाध्यक्षमा कमलप्रसाद लामिछाने ३०३ मत ल्याई विजयी भएका छन् । उनका प्रतिष्पर्धी जयनारायण अधिकारीले १२३ र घनश्याम पोखरेलले १०८ मत ल्याएका छन् । त्यस्तै सचिवमा २८८ मत हासिल गरी कमल नेपाल विजयी भएका छन् । उनका निकट्तम प्रतिद्वन्द्वी बुद्धिराज लक्समले २४३ मत पाएका छन् । त्यस्तै उपसचिवमा भीमबहादुर लिवाङ २८९ मत र सुमित्रा अधिकारी सापकोटा २७९ मत ल्याएर विजयी भएका छन् ।
