झापा , माघ २ । सरकारले आजदेखि कोरोनाविरूद्ध बुष्टर मात्रा खोप दिने भएको छ ।
![](https://pratidindaily.com/wp-content/uploads/2022/01/covid-booster-shot-1024x768.jpg)
स्वास्थ्य तथा जनसंख्या मन्त्रालयअन्तर्गत स्वास्थ्य सेवा विभाग परिवार कल्याण महाशाखाले पत्राचार गर्दै आजदेखि खोप दिन भनेको छ । सातवटै प्रदेश स्वास्थ्य निर्देशनालय, प्रदेश स्वास्थ्य आपूर्ति व्यवस्थापन केन्द्रहरू र ७७ वटै स्वास्थ्य कार्यालयलाई विभागले पत्राचार गर्दै बुष्टर मात्रा खोप लगाउन भनेको छ । गत पुस २८ को मन्त्रीस्तरीय निर्णयबाट आजदेखि बुष्टर मात्रा खोप दिने गरी पत्राचार भएको छ । अहिले भने अग्रपंक्तिमा खटिने व्यक्तिहरूले बुष्टर मात्रा खोप लगाउन पाउनेछन् । माघ दोस्रो सातादेखि भने ६० वर्ष र त्यसभन्दा माथिका व्यक्तिहरूलाई बुष्टर मात्रा खोप लगाइनेछ । उनीहरूलाई माघ १४ देखि खोप लगाइनेछ ।